Krishtianu Ronaldu “Manchester Yunayted”ning ehtimoliy murabbiyi Erik ten Hag rejalariga kirmaydi.
Niderlandiyalik mutaxassis mankunianliklar bosh murabbiyiga aylanadigan bo‘lsa, Ronaldudan qutulishga harakat qiladi, deya xabar beradi Marca.
Ten Hag “qizil iblislar” rahbariyati bilan muzokaralarda portugaliyalik uning o‘yin uslubiga tushmasligi, uni sotib yuborish lozimligini tushuntirgan.
Avvalroq mankunianliklar rahbariyatining aksariyat qismi Krishtianu Ronalduning ketishini xohlayotgani xabar qilingandi.
Krishtianu Ronaldu 2021/22-yilgi mavsum APLda 25 o‘yinda maydonga tushib, 12 ta gol va 3 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)