Futbol bo‘yicha Osiyo Chempionlar Ligasining 3-turida “Paxtakor” 14-aprel kuni “Ad-Duhayl”ga qarshi bahs olib bordi.
Uchrashuvda hisob birinchi bo‘lim yakuniga kelib ochildi. Sardor Rashidovning ajoyib uzatmasini Oliver Sharkich boshi bilan darvozaga joylab qo‘ydi. Jamoalar tanaffusga shu hisobda yo‘l oldi.
Ikkinchi bo‘limda esa jamoalar umumiy hisobda 4 ta gol urishga muvaffaq bo‘ldi. 67-daqiqada Edmilson muvozanatni tikladi, oradan 3 daqiqa o‘tar-o‘tmas Sardor Sobirxo‘jayev yana “sherlar”ni hisobda oldinga olib chiqdi. 72-daqiqada Edmilson mukammal zarbasi bilan dublni qayd etdi, 84-daqiqaga kelib esa uning o‘zi o‘yindagi 3-golini urib, jamoasiga g‘alaba keltirdi.
Shu tariqa “Paxatkor” gollar shousi taqdim etilgan bahsda Qatar klubiga mag‘lub bo‘ldi. Jamoa 1-turda “Sepahon”ga (Eron) jamoasiga mag‘lub bo‘ldi, 2-tur bahsida esa “At-Ta’vun”ni (Saudiya Arabistoni) yengdi. Toshkentliklar hisobida 3 ochko mavjud.
OChL
3-tur bahslari
14-aprel, payshanba
“Ad-Duhayl” — “Paxtakor” 3:2
Gollar: 0:1 — 44 Sharkich, 1:1 — 67 Edmilson, 1:2 — 70 Sobirxo‘jayev, 2:2 — 72 Edmilson, 3:2 — 84 Edmilson.“Ad-Duhayl”: 21.Saloh Zakariya, 3.Muhammad Alaeldin, 4.Tobi Alderveyreld, 5.Bassam Hishom, 18.Sulton al-Breyk, 23.Assim Madibo, 12.Karim Budiaf (8.Luiz Junior, 74), 27.Abdulloh Abdulsalom (9.Nam Tay Hvi, 74), 10.Edmilson Junior, 11.Almoiz Ali (17.Abdulrahmon Fahmi, 58), 14.Maykl Olunga.
“Paxtakor”: 33.Eldorbek Suyunov, 3.Hojiakbar Alijonov, 5.Aleksey Larin, 23.Sherzod A’zamov, 34.Farrux Sayfiyev, 7.Odiljon Hamrobekov (28.Diyor Xolmatov, 86), 27.Sardor Sobirxo‘jayev, 18.Hojimat Erkinov, 11.Sardor Rashidov (8.Azizbek Turg‘unboyev, 78), 10.Dragan Cheran (6.Ikrom Aliboyev, 42,) 14.Oliver Sharkich (29.Jasurbek Yoqubov, 78).
Ogohlantirish: Hamrobekov (53), Madibo (85), Yoqubov (88).
Izoh (0)