“River Pleyt” yarim himoyachisi Enso Fernandes faoliyatini “Real” yoki “Manchester Yunayted”da davom ettirishi mumkin.
21 yoshli futbolchiga Yevropaning ikki grandi qiziqish bildirmoqda. Ikkala klub ham argentinalik futbolchini jiddiy kuzatmoqda. “Qaymoqranglilar” ham, “qizil iblislar” ham futbolchining transferi borasida muzokaralar o‘tkazgani aytilmoqda. Ammo ulardan hech biri hali rasmiy taklif bilan chiqmagan.
Futbolchining tovon puli 20 million yevro etib belgilangan. Transfer oynasi yakunlanishiga 10 kun qolganda argentinalikning transfer narxi 25 million yevrogacha ko‘tariladi.
Fernandesning “River Pleyt” bilan shartnomasi 2025-yil dekabr oyiga qadar mo‘ljallangan. Transfermarkt portalining ma’lumotlariga ko‘ra, futbolchining narxi 6,5 million yevroni tashkil etadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)