Футбол бўйича Осиё Чемпионлар Лигасининг 3-турида «Пахтакор» 14 апрель куни «Ад-Дуҳайл»га қарши баҳс олиб борди.
Учрашувда ҳисоб биринчи бўлим якунига келиб очилди. Сардор Рашидовнинг ажойиб узатмасини Оливер Шаркич боши билан дарвозага жойлаб қўйди. Жамоалар танаффусга шу ҳисобда йўл олди.
Иккинчи бўлимда эса жамоалар умумий ҳисобда 4 та гол уришга муваффақ бўлди. 67-дақиқада Эдмилсон мувозанатни тиклади, орадан 3 дақиқа ўтар-ўтмас Сардор Собирхўжаев яна «шерлар»ни ҳисобда олдинга олиб чиқди. 72-дақиқада Эдмилсон мукаммал зарбаси билан дублни қайд этди, 84-дақиқага келиб эса унинг ўзи ўйиндаги 3-голини уриб, жамоасига ғалаба келтирди.
Шу тариқа «Пахаткор» голлар шоуси тақдим этилган баҳсда Қатар клубига мағлуб бўлди. Жамоа 1-турда «Сепаҳон»га (Эрон) жамоасига мағлуб бўлди, 2-тур баҳсида эса «Ат-Таъвун»ни (Саудия Арабистони) енгди. Тошкентликлар ҳисобида 3 очко мавжуд.
ОЧЛ
3-тур баҳслари
14 апрель, пайшанба
«Ад-Дуҳайл» — «Пахтакор» 3:2
Голлар: 0:1 — 44 Шаркич, 1:1 — 67 Эдмилсон, 1:2 — 70 Собирхўжаев, 2:2 — 72 Эдмилсон, 3:2 — 84 Эдмилсон.«Ад-Дуҳайл»: 21.Салоҳ Закария, 3.Муҳаммад Алаэлдин, 4.Тоби Алдервейрелд, 5.Бассам Ҳишом, 18.Султон ал-Брейк, 23.Ассим Мадибо, 12.Карим Будиаф (8.Луиз Junior, 74), 27.Абдуллоҳ Абдулсалом (9.Нам Тай Ҳви, 74), 10.Эдмилсон Junior, 11.Алмоиз Али (17.Абдулраҳмон Фаҳми, 58), 14.Майкл Олунга.
«Пахтакор»: 33.Элдорбек Суюнов, 3.Ҳожиакбар Алижонов, 5.Алексей Ларин, 23.Шерзод Аъзамов, 34.Фаррух Сайфиев, 7.Одилжон Ҳамробеков (28.Диёр Холматов, 86), 27.Сардор Собирхўжаев, 18.Ҳожимат Эркинов, 11.Сардор Рашидов (8.Азизбек Турғунбоев, 78), 10.Драган Черан (6.Икром Алибоев, 42,) 14.Оливер Шаркич (29.Жасурбек Ёқубов, 78).
Огоҳлантириш: Ҳамробеков (53), Мадибо (85), Ёқубов (88).
Изоҳ (0)