Og‘ir vazn toifasida WBC chempioni Tayson Fyuri (31-0-1, 22 KO) irlandiyalik noqonuniy narkotik savdosi bilan shug‘ullanadigan guruh rahbari Deniel Kinaxan bilan aloqalari borligi uchun javobgarlikka tortilishi mumkin.
Fyuri sherik sifatida jinoiy javobgarlikka tortilishi mumkin. Kinaxan Fyuri shartnoma imzolagan MTK Global promouterlik kompaniyasi rahbari hisoblanadi. Bokschi fevral oyida Kinaxan bilan Dubayda dam olgan edi.
Irlandiya narkokarteli rahbarining 5 million dollar miqdoridagi barcha aktivlari muzlatilgan. Denielni qo‘lga olishda yordam uchun Buyuk Britaniya maxsus xizmatlari 5 million dollar mukofot puli va’da qilgan.
Fyuri 23-aprel kuni Londondagi “Uembli” stadionida WBC yo‘nalishi bo‘yicha vaqtinchalik chempion Dillian Uaytga (28-2, 19 KO) qarshi jang o‘tkazishi kerak edi.
Eslatib o‘tamiz, Tayson Fyuri so‘nggi jangini 2021-yil oktabr oyida amerikalik Deontey Uaylderga qarshi o‘tkazib, 11-raundda raqibini nokautga uchratgan edi.
Avvalroq Xorxe Masvidal Kolbi Kovingtonga hujum qilgani uchun 15 yilga qamalishi mumkinligi xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)