UEFA Chempionlar Ligasi yarim final uchrashuvlarining boshlanish vaqtlarini ma’lum qildi.
“Manchester Siti” “Real”ga qarshi dastlabki o‘yinni 26-aprel sanasida “Etihad”da o‘tkazadi. Javob o‘yini 4-may kuni Madridda bo‘lib o‘tadi.
“Liverpul” va “Vilyarreal” jamoalari o‘rtasidagi birinchi bahs 27-aprel kuni “Enfild”da o‘tkaziladi. Jamoalar o‘rtasidagi javob o‘yini esa 3-may sanasiga rejalashtirilgan.
Barcha o‘yinlar Toshkent vaqti bilan 00:00 da boshlanadi.
Eslatib o‘tamiz, “Manchester Siti” chorak finalda “Atletiko”ni taslim etdi. “Vilyarreal” ikki o‘yin natijasiga ko‘ra “Bavariya”dan ustun keldi. “Liverpul” “Benfika”ni musobaqadan chiqarib yuborgan bo‘lsa, “Real” “Chelsi”ni mag‘lub etib, yarim finalga yo‘l oldi.
Chempionlar Ligasi finali 28-may kuni Parijdagi “Stad de Frans” stadionida bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)