Ilon Mask Twitter’ni sotib olish uchun 43 mlrd dollar naqd pul taklif qildi

Dunyoning eng boy odami Ilon Mask Twitter’ning har bir aksiyasi uchun 54,2 dollar naqd pul taklif qildi. Shu tariqa u Twitter’ni taxminan 43 mlrd dollarga sotib olmoqchi. 

Ijtimoiy media kompaniyasining aksiyalari ayni paytda taxminan 48 dollarga baholanmoqda. Investorlar platformaning eng ochiq foydalanuvchilaridan biri bo‘lgan Maskning sotib olishga urinishi nima bilan tugashini kuzatmoqda.

Twitter kengashi ushbu taklifni ko‘rib chiqishini va har qanday javob barcha Twitter aksiyadorlari manfaatlariga mos kelishini aytdi.

Tesla’ga ham egalik qiluvchi Mask 4-aprel kuni Twitter’ning 9,2 foiz ulushini 2,89 mlrd dollarga sotib olgan edi.

Avvalroq Twitter Maskga kompaniya direktorlar kengashida ishtirok etishni taklif qilgandi. SpaceX va Tesla kompaniyalari asoschisi Twitter ijtimoiy tarmog‘i direktorlar kengashiga kirmaslikka qaror qilgan edi.

Mask tvitlarga tahrirlash funksiyasini qo‘shishdan tortib premium foydalanuvchilarga avtomatik tasdiqlash belgilarini berishgacha bo‘lgan murojaatlar bilan chiqa boshladi.

Twitter’dagi eng mashhur akkauntlar kamdan kam tvit yozadigan kontentlarga ega. Twitter o‘lyaptimi? — deydi Ilon Mask

Men Twitter’ga sarmoya kiritdim. Chunki uning butun dunyo bo‘ylab so‘z erkinligi platformasi bo‘lish potensialiga ishonaman va so‘z erkinligi amaldagi demokratiya uchun ijtimoiy zarurat ekanligiga aminman.

Biroq sarmoya kiritganimdan beri men kompaniyaning hozirgi ko‘rinishida gullab-yashnamasligini va bu ijtimoiy imperativga xizmat qilmasligini tushundim. Twitter xususiy kompaniya sifatida o‘zgarishi kerak.

Natijada men Twitter’ning 100 foiz ulushini 54,2 dollardan naqd pulga sotib olishni taklif qilaman. Mening taklifim eng yaxshi va yakuniy taklifim bo‘lib, agar u qabul qilinmasa, men aksiyador sifatidagi pozitsiyamni qayta ko‘rib chiqishim kerak.

Twitter ajoyib salohiyatga ega. Men uni qutqaraman.

Ilon Maskning Twitter boshqaruviga maktubi