Muqaddas Ramazon oyi munosabati bilan Shavkat Mirziyoyev nomiga xorijiy mamlakatlarning davlat va hukumat rahbarlari, taniqli davlat va din arboblaridan qutlovlar kelmoqda. Bu haqda Prezident matbuot xizmati xabar qildi.
Qayd etilishicha, tabriknomalarda xorijiy hamkorlar tomonidan do‘st O‘zbekiston xalqiga tinchlik, osoyishtalik, barqarorlik va taraqqiyot tilaklari izhor etilgan. Ushbu qutlug‘ kunlar mamlakat va mintaqaning butun musulmon ummatiga farovonlik va ravnaq olib kelishi alohida qayd etilgan.
Jumladan, quyidagilar o‘z tabriklarini yo‘llagan:
- Saudiya Arabistoni podshohi Salmon ibn Abdulaziz Ol Saud;
- Misr Arab Respublikasi prezidenti Abdulfattoh as-Sisi;
- Eron Islom Respublikasi prezidenti Ibrohim Raisiy;
- Birlashgan Arab Respublikasi prezidenti Xalifa bin Zoid Ol Nahayon;
- Quvayt amiri Navaf al-Ahmad al-Jobir as-Saboh;
- Ummon sultoni Haysam bin Toriq;
- Bahrayn podshohi Hamad bin Iso Al Xalifa;
- Iordaniya podshohi Abdulla II;
- Marokash podshohi Muhammad VI;
- Suriya Arab Respublikasi prezidenti Bashar Asad;
- Saudiya Arabistoni Podshohligi valiahdi, Vazirlar Kengashi raisi o‘rinbosari, mudofaa vaziri Muhammad ibn Salmon ibn Abdulaziz Ol Saud;
- Birlashgan Arab Amirliklari Qurolli kuchlari Oliy bosh qo‘mondoni o‘rinbosari, Abu-Dabi Amirligi valiahdi Muhammad bin Zoid Ol Nahayon;
- Kuvayt Davlati valiahdi Mishaal al-Ahmad al-Jobir as-Saboh;
- Birlashgan Arab Amirliklari vitse-prezidenti, bosh vaziri, Dubay amirligi hokimi Muhammad bin Roshid Ol Maktum;
- Misr bosh imomi, “Al-Azhar” majmuasi rahbari shayx Ahmad Tayyib.
Eslatib o‘tamiz, O‘zbekistonda Ramazon oyi 2-apreldan boshlangan. O‘zbekiston musulmonlari idorasining “Qur’on va tajvidni o‘rgatish” bo‘limi tomonidan 1443/2022-yil Ramazon oyida Toshkent shahri masjidlarida tarovih namozlarida o‘qiladigan xatmi Qur’onning kunlik taqsimoti belgilangan. Unga ko‘ra, xatmi Qur’on aprelning birinchi kunidan boshlab, 27 sana – Qadr kechasida yakunlanishi mo‘ljallanmoqda. Tarovih namozi munosabati bilan har kuni 18:00 dan 00:00 ga qadar masjidlar yaqinidagi yo‘llar transport vositalari harakati uchun berkitilmoqda.
Izoh (0)