“Nasaf” bosh murabbiyi Ro‘ziqul Berdiyev Osiyo Chempionlar Ligasi 2-turi doirasida “Al-Vihdat”ga qarshi kechgan o‘yindagi g‘alabadan (2:0) keyin o‘z fikrlari bilan o‘rtoqlashdi.
Uchrashuvda ikki xil bo‘lim guvohiga aylandik, ikkinchi bo‘limda o‘z o‘yinimizni namoyish qila oldik. Raqib to‘pni yaxshi nazorat qilishini bilardik, shu sabab yaxshi himoyalanishimiz kerak edi. Ikkinchi bo‘limda asosiy omillardan biri shu bo‘ldiki, raqib futbolchilari charchab qoldi, bizda esa zaxira futbolchilari o‘yinni kuchaytirishga hissa qo‘shdi. Bu orqali g‘alabaga erishdik va bundan xursandmiz.“Nasaf” 2-turdan keyin 4 ochko jamg‘argan holda E guruhida peshqadamlik qilmoqda. Qarshiliklar 3-turni 15-apreldan 16-aprelga o‘tar kechasi “Al-Faysali”ga qarshi o‘tkazadi.Guruhdagi keyingi o‘yinda qay etiladigan durang natija “Nasaf”ga qo‘l kelishi mumkinligi haqida
O‘yinlar endi boshlanyapti, hali hech narsa hal bo‘lgani yo‘q. Oldinda yana 4–5 ta o‘yin bor, hammasi o‘zgarib ketishi mumkin.
Ro‘ziqul Berdiyev, “Nasaf” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)