“Manchester Yunayted” rahbariyatining aksariyat qismi Krishtianu Ronalduning ketishini xohlamoqda

Krishtianu Ronalduning “Manchester Yunayted”dagi kelajagi so‘roq ostida qolmoqda.

Daily Mail’ning yozishicha, klubning ba’zi mutasaddilari yozda portugaliyalik futbolchidan qutulish kerak deb hisoblamoqda. Ammo yakuniy qarorni klub xo‘jayinlaridan biri Joel Gleyzer va direktorlar kengashi qabul qiladi.

Qayd etilishicha, Erik ten Hag mankunianliklar bosh murabbiyligiga tayinlanishidan oldin klubning Ronaldu va boshqa yoshi katta futbolchilar uchun qanday rejalari borligini bilmoqchi.

Avvalroq Ronaldu “Everton”ga qarshi o‘yindan keyin yosh muxlisning qo‘liga urib, telefonini sindirib yuborgani va qilmishi uchun uzr so‘ragani xabar qilingandi.

Ronaldu 2021/22-yilgi mavsum “Manchester Yunayted” safida barcha musobaqalarda 34 ta o‘yinda maydonga tushib, 18 ta golga mualliflik qildi.