“Liverpul” klubi va Niderlandiya terma jamoasi sobiq futbolchisi Dirk Kyuyt oktabr oyida professional boksda o‘z debyutini o‘tkazadi.
De Telegraaf’ning xabariga ko‘ra, Kyuyt kikbokschi Riko Verhoven tomonidan tashkil etiladigan “Hit It” musobaqasida ishtirok etadi. 41 yoshli sobiq futbolchining raqibi hozircha noma’lum.
“Albatta, futboldan kelganman va raqobat muhitini sog‘indim. Bu jang Niderlandiya terma jamoasidagi o‘yinga o‘xshaydi: atrofimdagilarning e’tibori va ichimdagi bosim. Ilk bor komfort hududimdan chiqish va boshqa sport turi bilan shug‘ullanish men uchun ulkan sinov bo‘ladi. Bir necha oy davomida qattiq mashq qilaman”, — deydi Kyuyt.
Dirk Kyuyt 1998-yildan 2018-yilgacha futbolchilik faoliyati bilan shug‘ullangan. Niderlandiyalik sobiq hujumchi “Utrext”, “Feyenoord”, “Liverpul”, “Fenerbahche” kabi jamoalar sharafini himoya qilgan. 2018-yildan 2020-yilga qadar “Feyenoord” U-19 jamoasida bosh murabbiy lavozimida ishlagan.
Izoh (0)