Futzal bo‘yicha O‘zbekiston milliy terma jamoasi Osiyo Kubogi saralashi doirasida 11-aprel, dushanba kuni Afg‘onistonga qarshi bahs olib bordi.
Uchrashuv O‘zbekiston futzal terma jamoasining 5:1 hisobidagi g‘alabasi bilan yakunlandi. O‘zbekistonliklar safida Ixtiyor Ropiyev dubl qayd etgan bo‘lsa, Husniddin Nishonov, Davron Choriyev va Dilshod Rahmatov o‘z hisobiga bittadan gol yozdirib qo‘ydi.
Bu g‘alaba orqali ochkolarini 6 taga yetkazib olgan O‘zbekiston milliy terma jamoasi muddatidan avval Osiyo Kubogi yo‘llanmasiga ega chiqdi.
O‘zbekiston guruh bosqichining dastlabki turida Nepal terma jamoasi ustidan yirik hisobda g‘alaba qozongan edi. Bahodir Ahmedov shogirdlarining keyingi o‘yini 12-aprel kuni Tojikistonga qarshi bo‘lib o‘tadi.
Futzal, Osiyo Kubogi saralashi
2-tur bahsi
11-aprel, dushanba
Afg‘oniston — O‘zbekiston 1:5
Gollar: 0:1 — 2 Husniddin Nishonov, 1:1 — 2 Ali Amiri, 1:2 — 7 Ixtiyor Ropiyev, 1:3 — 8 Ixtiyor Ropiyev, 1:4 — 11 Davron Choriyev, 1:5 — 33 Dilshod Rahmatov.O‘zbekiston: Ravshan Eliboyev, Ixtiyor Ropiyev, Ilhom Hamroyev, Husniddin Nishonov, Davron Choriyev.
Zaxira: Abbos Elmurodov, Mashrab Odilov, Anasxon Rahmatov, Dilshod Rahmatov, Xayrulla Solihov, Elbek To‘lqinov, Davlat Ibragimov, Akbar Usmonov, Muzaffar Ahadjonov.
Izoh (0)