Футбол бўйича Осиё Чемпионлар Лигаси гуруҳ босқичи 2-тури доирасида «Насаф» 11 апрель, душанба куни «Ал-Виҳдат» билан баҳс юритди.
Учрашувнинг биринчи 45 дақиқалиги тенг курашлар остида ўтди ва дарвозалар дахлсиз қолди.
Иккинчи бўлимда қаршиликлар икки бор рақиб дарвозасини ишғол этишнинг уддасидан чиқди. 71-дақиқада Баҳром Абдураҳимовнинг узатмасидан кейин Марко Станоевич жарима майдончаси ташқарисидан ажойиб гол уришга муваффақ бўлди. 85-дақиқага келиб, Марко 11 метрлик жарима зарбасини голга айлантириб, жамоасига ишончли ғалабани тақдим этди. Бу сербиялик футболчи учун ўйиндаги 2-гол бўлди.
Шу тариқа «Насаф» 2-турда Иордания клубини мағлуб этди ва 3 очкога эга бўлди. Жамоа илк турда «Ас-Садд» билан дуранг ўйнаганди. E гуруҳининг иккинчи ўйинида эса «Ал-Файсали» (Саудия Арабистони) ва «Ас-Садд» (Қатар) баҳс олиб боради.
Эслатиб ўтамиз, 10 апрель куни ОЧЛда қатнашаётган бошқа бир ўзбек клуби «Пахтакор» Саудия Арабистони жамоасидан устун келганди.
ОЧЛ
2-тур баҳси
11 апрель, душанба
«Насаф» — «Ал-Виҳдат» 2:0
Голлар: 1:0 — 71 Станоевич, 2:0 — 85 пенальти Станоевич.«Насаф»: 35.Абдувоҳид Неъматов, 2.Алибек Давронов, 4.Ҳусниддин Алиқулов, 7. Шароф Муҳиддинов, 8.Дилшод Саитов, 9.Иван Соловёв (17.Суҳроб Нуруллоев, 70), 10.Ҳусайн Норчаев (99.Семир Смайлагич, 75), 22.Акмал Мозговой, 77.Ойбек Бозоров ( 6.Муродбек Раҳматов, 88), 88.Марко Станоевич, 92. Умарбек Эшмуродов.
«Ал-Виҳдат»: 1. Аҳмад Наввас, 2. Муҳаммад Али Буҳашеш, 3. Муҳаннад Ҳаир, 7. Мунтер Умар, 8. Холид Ассам, 10. Аҳмад Наваф (15. Анас Аҳмад, 73), 16. Ферас Шилбая, 18. Тариқ Ҳаттаб, 20. Кларенс Junior, 21. Муҳаммад Анас, 90. Аҳмад Самир.
Огоҳлантиришлар: Мозговой 68.
Изоҳ (0)