Namangan viloyatining Uchqo‘rg‘on tumanida joylashgan mahallalardan biridagi xonadonlarni suv bosdi, deb xabar beradi viloyat FVB matbuot xizmati.
Ma’lum qilinishicha, 11-aprel kuni soat 06:05 da Uchqo‘rg‘on tumani Favqulodda vaziyatlar bo‘limining 101 qisqa raqamiga “Sohil” mahalla fuqarolar yig‘ini Nihol-2 massiv ko‘chasidagi aholidan 4 nafar fuqaroning yashash xonadonlarini suv bosayotgani to‘g‘risida ma’lumot kelib tushgan.
Zudlik bilan Uchqo‘rg‘on tuman Favqulodda vaziyatlar bo‘limi hamda tuman Favqulodda vaziyatlarda ularning oldini olish va harakat qilish davlat tizimi xizmatlari kuch va vositalari voqea joyiga yetib borib, hozirda suv bosgan xonadonlarda suvdan tozalash ishlarini amalga oshirmoqda.
O‘rganishlar natijasida ushbu holat xonadonlarga tutash bo‘lgan fermer xo‘jaligiga tegishli, hozirda ijaraga 15 sotixdan aholiga ajratib berilgan dala maydoni ijarachilar tomonidan noto‘g‘ri sug‘orilishi natijasida ro‘y bergani aniqlangan.
Izoh (0)