Namanganda ichki ishlar xodimlari og‘iz ochiladigan payt uyga kech qolgan haydovchi va yo‘lovchilarga iftorlik ulashdi. Bu haqda “Daryo” muxbiri Azizbek Abduvaliyev xabar bermoqda.
Mo‘jazgina iftorlik qutisi kulcha, xurmo va mineral suvdan iborat.
Viloyat IIB YHHB axborot xizmati xodimi Nazira Olimjonovaning ma’lum qilishicha, ushbu tadbir bir marotabalik emas va yana davom etadi.
Chunki ichki ishlar xodimlar kasb taqozosiga ko‘ra iftorlik payti ham mehnat faoliyatini davom ettirayotgan yoki turli sabablarga ko‘ra ushlanib qolgan yurtdoshlarimizga ko‘p duch kelishadi.
“Umuman olganda, iftorlik ulashish Namangan viloyati ichki ishlar xodimlarining ilk bor shunday xayrli tashabbusga qo‘l urishi emas. Eslasangiz, oldinroq ular Qamchiq dovonida uzoq yo‘ldan charchab kelayotgan haydovchilarga qaynoq qahva taklif etayotgani, jaziramada ko‘chada mehnat qilayotgan obodonlashtirish xodimlariga muzqaymoq va salqin ichimliklar ulashgani, xotin-qizlar kunida esa ayol haydovchi va yo‘lovchilarga gullar taqdim etgani haqida ijtimoiy tarmoqlarda ko‘plab xabar va lavhalar berilgandi”, — deydi Nazira Olimjonova.
Izoh (0)