Qozog‘iston 15-apreldan 15-iyungacha bug‘doy va un eksporti uchun chegaralangan miqdorda kvotalar joriy etishga qaror qildi. Bu haqda “Kazinform” xabar bermoqda.
Ichki bozorda tanqislik yuzaga kelishi va un tegirmonlari yuklanishining oldini olish maqsadida bug‘doy va un eksporti uchun kvotalar joriy etildi. Kvotalar 15-apreldan 15-iyungacha amal qiladi, — dedi Qozog‘iston qishloq xo‘jaligi vazirining birinchi o‘rinbosari Aydarbek Saparov.Ma’lum bo‘lishicha, bug‘doy uchun kvota hajmi 1 mln tonna, un uchun 300 ming tonnani tashkil etadi
Shunday qilib, hukumat tomonidan ichki bozorni ijtimoiy ahamiyatga ega oziq-ovqat mahsulotlari, jumladan, un bilan to‘ldirish bo‘yicha chora-tadbirlar allaqachon amalga oshirilmoqda, – dedi vazirning birinchi o‘rinbosari.Qozog‘iston — O‘zbekiston uchun asosiy bug‘doy import qiluvchi mamlakat hisoblanadi. Masalan, yanvar oyida mamlakatga 26,8 ming tonna bug‘doy kirib kelgan, uning deyarli barcha qismi (99,2 foiz) Qozog‘iston hisobiga to‘g‘ri keldi.
Bundan tashqari, O‘zbekistonda 1-apreldan boshlab “Oziq-ovqat xavfsizligi va ichki bozorda narxlar barqarorligini ta’minlash bo‘yicha qo‘shimcha chora-tadbirlar to‘g‘risida”gi hukumat qarori kuchga kirdi.
Hujjatga ko‘ra, 2022-yil aprel—iyul oylarida Qozog‘istondan 100 ming tonna 3-sinf bug‘doyi (bir qismi un) maqbul narxlarda import qilinishi kerak edi.
Izoh (0)