O‘zbekistonda dastlabki uch oyda ko‘chmas mulk narxlari ko‘tarildi. Bu Markaziy bank sharhida qayd etilgan (.pdf).
Narxlar uchta sababga ko‘ra ko‘tarilgan:
- ko‘chmas mulkka xavfsiz aktiv sifatida talabning oshishi;
- 2021-yilda aholining daromadlari o‘sishi;
- devalvatsiya kutilmalarining kuchayishi.
Yanvar—mart oylarida ko‘chmas mulk oldi-sotdisi bo‘yicha 75,7 ming dona bitim tuzildi, bu o‘tgan yilning shu davriga nisbatan 2,4 foizga ko‘pdir.
Bitimlar sonining ko‘payishi aholi va investorlar tomonidan talab saqlanib qolishidan dalolat beradi, — deb hisoblaydi Markaziy bank.
Mart oyida birlamchi bozordagi narxlar fevral oyiga nisbatan 4,6 foizga oshdi. Buning sabablaridan biri, ehtimol, qurilish materiallari narxining oshgani bo‘lishi mumkin.
Bundan tashqari, ikkilamchi uy-joy sotib olish uchun imtiyozli ipotekalarini qayta moliyalashtirishning vaqtincha to‘xtatilishi xaridorlarni birlamchi bozorga yo‘naltirdi, bu esa qo‘shimcha talabni ishlab chiqardi.
Natijada Toshkent shahri va Farg‘ona viloyatida narxlar 9 foizga, Samarqand viloyatida esa 8 foizga oshdi.
To‘rtta hududda narxlar pasaygan. Bular Sirdaryo (-11 foiz), Jizzax (-6 foiz), Namangan (-5 foiz) va Andijon (-5 foiz) viloyatlaridir.
- Eng qimmat ko‘chmas mulk —Toshkentda. Bu yerda bir metr kvadrat joy 8,9 million so‘m turadi. Ikkinchi o‘rinda Samarqand viloyati – 8,2 million so‘m, uchinchi o‘rinda Toshkent viloyati – 5,6 million so‘m.
- Eng arzon ko‘chmas mulk Qoraqalpog‘istonda (3,2 million so‘m), Xorazm (3,3 million so‘m) va Jizzax (3,5 million so‘m) viloyatlarida.
Birlamchi ko‘chmas mulk bozoridagi narxlar (bir metr kvadrat uchun ming so‘mda):
Avvalroq O‘zbekistondagi uylarning o‘rtacha narxlari qanday va ularning qiymatiga nima ta’sir qilishi haqida xabar berilgan edi.
Izoh (0)