Avvalroq O‘zbekistonda davlatning “oltin aksiya” huquqi bekor qilingani haqida xabar berilgan edi.
“Oltin aksiya” – aksiyalarning oziga xos bir turi bo‘lib, o‘z egasiga, odatda davlatga, xususiylashtirilgan korxonalar nazoratini saqlab qolish imkonini beradi.
Davlat aktivlarini boshqarish agentligida aytishlaricha, O‘zbekiston hukumati so‘ngi 10 yil ichida ushbu huquqdan foydalanmagan, ammo “oltin aksiya” mavjudligining o‘zi investorlar qiziqishining tushib ketishiga sabab bo‘lgan.
Yevropa tiklanish va taraqqiyot banki ham O‘zbekistonga “oltin aksiya” ni olib tashlashni tavsiya qilgan.
Ushbu huquqning bekor qilinishi davlatning jamiyatlarni boshqarishda boshqa mulkdorlar bilan teng ravishda ishtirok etishini, boshqa aksiyadorlar manfaatlarining buzilmasligini bildiradi.
“Oltin aksiya” ning bekor qilinishi potensial investorlarning xususiylashtirilgan korxonalarga bo‘lgan qiziqishini oshirishi kutilmoqda.
Avvalroq O‘zbekistonda Mobiuz va ikkita bank xususiylashtirilishi haqida xabar berilgan edi.
Izoh (0)