Ўзбекистонда дастлабки уч ойда кўчмас мулк нархлари кўтарилди. Бу Марказий банк шарҳида қайд этилган (.пдф).
Нархлар учта сабабга кўра кўтарилган:
- кўчмас мулкка хавфсиз актив сифатида талабнинг ошиши;
- 2021 йилда аҳолининг даромадлари ўсиши;
- девальвация кутилмаларининг кучайиши.
Январь—март ойларида кўчмас мулк олди-сотдиси бўйича 75,7 минг дона битим тузилди, бу ўтган йилнинг шу даврига нисбатан 2,4 фоизга кўпдир.
Битимлар сонининг кўпайиши аҳоли ва инвесторлар томонидан талаб сақланиб қолишидан далолат беради, — деб ҳисоблайди Марказий банк.
Март ойида бирламчи бозордаги нархлар февраль ойига нисбатан 4,6 фоизга ошди. Бунинг сабабларидан бири, эҳтимол, қурилиш материаллари нархининг ошгани бўлиши мумкин.
Бундан ташқари, иккиламчи уй-жой сотиб олиш учун имтиёзли ипотекаларини қайта молиялаштиришнинг вақтинча тўхтатилиши харидорларни бирламчи бозорга йўналтирди, бу эса қўшимча талабни ишлаб чиқарди.
Натижада Тошкент шаҳри ва Фарғона вилоятида нархлар 9 фоизга, Самарқанд вилоятида эса 8 фоизга ошди.
Тўртта ҳудудда нархлар пасайган. Булар Сирдарё (-11 фоиз), Жиззах (-6 фоиз), Наманган (-5 фоиз) ва Андижон (-5 фоиз) вилоятларидир.
- Энг қиммат кўчмас мулк —Тошкентда. Бу ерда бир метр квадрат жой 8,9 миллион сўм туради. Иккинчи ўринда Самарқанд вилояти – 8,2 миллион сўм, учинчи ўринда Тошкент вилояти – 5,6 миллион сўм.
- Энг арзон кўчмас мулк Қорақалпоғистонда (3,2 миллион сўм), Хоразм (3,3 миллион сўм) ва Жиззах (3,5 миллион сўм) вилоятларида.
Бирламчи кўчмас мулк бозоридаги нархлар (бир метр квадрат учун минг сўмда):
Аввалроқ Ўзбекистондаги уйларнинг ўртача нархлари қандай ва уларнинг қийматига нима таъсир қилиши ҳақида хабар берилган эди.
Изоҳ (0)