Toshkent shahrida fuqarodan O‘zbekiston davlat san’at va madaniyat institutining magistratura bosqichiga kiritib qo‘yish uchun pora olgan kafedra mudiri va uning sherigi ushlandi, deya xabar qilmoqda Iqtisodiy jinoyatlarga qarshi kurashish departamenti.
Bosh prokuratura huzuridagi departament hamda DXXning Toshkent shahar boshqarmasi tomonidan o‘tkazilgan tezkor tadbirda O‘zbekiston davlat san’at va madaniyat institutining talabasi U.X. fuqaro R.ni institut kafedra mudiri orqali magistratura bosqichiga o‘qishga kiritib qo‘yishni va’da qilib, evaziga 4 000 AQSH dollarini olgan vaqtida ushlangan
Uning ko‘rsatuviga asosan davom etgan tadbirda kafedra mudiri M.E. talaba U.X.dan 4 000 AQSH dollarini olgan vaqtida ashyoviy dalillar bilan qo‘lga olingan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Termiz shahar kambag‘allikni qisqartirish bo‘limi boshlig‘i o‘rinbosari 2 mln so‘m pora bilan ushlandi
- Xorazmda 600 dollar evaziga “prava” imtihonlaridan o‘tkazib qo‘yishni va’da qilgan shaxs ushlandi
- Toshkentdagi “Farhod” dehqon bozori direktori va uning o‘rinbosari tovlamachilikda ayblanib qo‘lga olindi
Izoh (0)