Bugun,

  • USD 11095.31
  • RUB 173.84
  • EUR 10772.44

Xorazm viloyatining Yangiariq tumanida fuqarolarni haydovchilik guvohnomasini olish uchun imtihondan o‘tkazib qo‘ymoqchi bo‘lgan shaxs ushlandi, deb xabar beradi Bosh prokuratura huzuridagi departament.

Ma’lum qilinishicha, departamentning Yangiariq tuman bo‘limi tomonidan DXXning Xorazm viloyat boshqarmasi va IIB xodimlari bilan hamkorlikda tezkor tadbir o‘tkazilgan. Tadbir davomida O.Q. ismli shaxs fuqarolar — I.Q. va J.A.ni 600 dollar evaziga go‘yoki viloyat YHXBda ishlovchi tanishlari orqali haydovchilik guvohnomasini olish uchun o‘tkaziladigan imtihondan o‘tkazib qo‘yishni va’da qilgani aniqlangan. U fuqarolardan 550 dollar va 500 ming so‘mni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda

Toshkentda 1 hafta muddatda “prava” olib berishini aytib, fuqarolardan pul olgan erkak ushlangani, Andijonda fuqaroga 10 kunda “prava” olib berish uchun 3 mln so‘m olgan avtomaktab o‘qituvchisi qo‘lga olingani to‘g‘risida xabar berilgandi.

Eslatib o‘tamiz, 16-mart kuni Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov Yagona imtihon markazi imtihonlarida korrupsiyaviy holatlar yo‘qligini aytib, fuqarolarni firibgarlardan ogoh bo‘lishga chaqirgandi. “Shiorimiz shuki, bilimingiz bo‘lsagina, haydovchilik guvohnomasini olasiz va rulga o‘tirasiz. Hozirda faqat bilim, bilim, bilim! Boshqachasiga iloji yo‘q”, — degan u.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Dunyo
Litvada ham rus tilini o‘qitishdan voz kechish taklif qilindi