Shavkat Mirziyoyev raisligida 8-aprel kuni bo‘lib o‘tgan videoselektor yig‘ilishi davomida prezident mahallalarni obod, ozoda va yashil makonga aylantirish, madaniy-ma’rifiy tadbirlarni ko‘paytirish masalasiga ham to‘xtaldi. Ushbu holat “Menimcha” ko‘rsatuvida namoyish etildi.
Davlat rahbari mas’ullarga “oqsoqollardan Eski shahar hududi qanday bo‘lgani haqida bir so‘rash lozimligini” aytdi.
Ishkom, so‘ri, namozshomgul va terak bo‘lgan. Shuni tiklasa, urf-odatimiz-ku bu. Gullarimiz ham “importniy” bo‘lib ketgan. O‘zimizniki yoqmay qolibdi-da hammalaringga. Xohlamasalaringiz ham, o‘rgataman. Bu bizning madaniyatimiz, ma’rifatimiz. Hech qayerda yo‘q madaniyatimiz bor. Lekin uni unutib yubordik. Jonajon poytaxtimizning har bir ko‘chasi chiroyli bo‘lib, rayhonning hidi kelib tursa, namuna bo‘ladimi, yo‘qmi? Bo‘ladi. Shuni qilsak bo‘ladimi, bo‘ladi. Kimning qo‘lida? O‘zimizning qo‘limizda. Kim uchun qilamiz? O‘zimiz uchun. Birovga ko‘z-ko‘z qilish uchun emas, o‘zimiz uchun qilamiz, — deydi prezident.Avvalroq davlat rahbari har bir mahallada ko‘chalar va ariqlar bo‘ylari, ko‘p qavatli uylar atrofiga kamida 2 ming tup mevali va manzarali daraxtlar, 3-5 ming dona terak qalamchalari va kamida 15 ming dona gul ko‘chatlari ekishni tashkil etish zarurligini ta‘kidlagani haqida xabar berilgan edi.
Izoh (0)