Shavkat Mirziyoyevning 5-aprel kuni xalq ta’limidagi ishlarga bag‘ishlangan yig‘ilishida Samarqand viloyati hokimi Erkinjon Turdimov ta’lim rivojiga befarq bo‘lmagan tadbikorlarning xayrli ishlarini qayd etib o‘tdi. Ushbu holat “Menimcha” ko‘rsatuvida namoyish etildi.
“Bir misol aytishim mumkin, 71-maktabimiz uch smenali edi. Shu yerda o‘qigan tadbirkor yigitimiz oldimga kelib, ruxsat bersangiz, maktabni buzib tashlab o‘rniga yangi maktab qursam. Uni bir smenali qilib beraman, dedi. U maktabga 7 milliard ajratib, maktabni to‘liq qayta ta’mirlab berdi. Shu o‘quv yilining o‘zida tadbirkorlarimiz tomonidan 18 milliard so‘m homiylik mablag‘lari maktablar uchun berildi”, — deydi Samarqand viloyati hokimi.
Prezident maktab qurib bergan tadbirkorni mukofotlashini aytdi.
“Shu 7 milliard qo‘yaman degan tadbirkorni mukofotlashga bergin. Men uni mukofotlayman. Men undan minnatdorman”, — deydi Shavkat Mirziyoyev.
Mavzuga doir:
- O‘zbekistonda 1-sentabrdan boshlab maktab direktorlarini sertifikatlash tizimi joriy etiladi
- O‘zbekistonda bir qator tabiiy va aniq fanlar bo‘yicha ham xalqaro sertifikat olgan o‘qituvchilarni rag‘batlantirish tizimi joriy etiladi
- O‘zbekistonda maktab o‘quvchilarini yangi metodika asosida qayta tayyorlash bo‘yicha umummilliy loyiha boshlanadi
- “Maktab ta’limi eski qolipdan chiqa olmayapti”. Shavkat Mirziyoyev maktablardagi eng katta muammo o‘qitish metodikasining eskirgani ekanini aytdi
Izoh (0)