Ўзбекистонлик ҳимоячи Иброҳимхалил Йўлдошев «Нижний Новгород»нинг март ойидаги энг яхши футболчиси деб топилди.
Йўлдошевга сўровнома иштирокчиларининг 55 фоизи овоз берган. Кейинги ўринларда Артур Нигматулин (30%) ва Кирилл Коцук (7%) қайд этилган.
Иброҳимхалил март ойида жамоа сафида тўртта ўйинда иштирок этди (учта RPL ва битта кубок доирасида). Барча учрашувларда тўлиқ ҳаракат қилган футболчи «Спартак М»га қарши баҳсда жамоасига бир очко келтирган голни урганди.
21 ёшли футболчи 2021 йилнинг ёзида «Пахтакор»дан «Нижний Новгород» сафига бориб қўшилганди. Ҳимоя 2021/22 йилги мавсумда Россия чемпионатида 17 та ўйин ўтказиб, биттадан гол ва голли узатма муаллифига айланди.
Изоҳ (0)