Shavkat Mirziyoyev raisligida 7-aprel kuni o‘tkazilgan videoselektor yig‘ilishida Bosh prokuraturaga yangi qurilayotgan sement-beton qoplamali yo‘llar sifati ustidan qat’iy nazorat o‘rnatish topshirildi. Bu haqda Prezident matbuot kotibi xabar qildi.
Qayd etilishicha, Buxoro, Sirdaryo, Xorazm viloyatlarida sement korxonalari mavjud emasligi ko‘rsatib o‘tilgan. Shu munosabat bilan “O‘zbekiston temir yo‘llari” ushbu viloyatlarda yo‘l qurish uchun temiryo‘l orqali sement va shag‘al tashishga 50 foiz chegirma beradigan bo‘lgan.
Yig‘ilishda yo‘l klasterlari faoliyatini qo‘llab-quvvatlash uchun 1-maydan boshlab yil yakuniga qadar import qilinayotgan sement-beton qoplamali yo‘l qurish texnikalari bojxona boji va utilizatsiya yig‘imidan ozod qilinishi belgilangan. Mazkur ishlarga qo‘shimcha 500 milliard so‘m mablag‘ ajratiladi. Joriy yilda xalqaro moliya tashkilotlaridan 80 million, kelgusi yilda bu ishlarni kengaytirish uchun 200 million dollar mablag‘ jalb qilish choralari ko‘riladi.
Izoh (0)