Andijon viloyati Izboskan tumani temiryo‘l stansiyasi tasarrufidagi yer maydonini sotmoqchi bo‘lgan rahbar ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departament hamda Davlat xavfsizlik xizmatining Izboskan tumani bo‘limlari tomonidan tezkor tadbir o‘tkazilgan. Unda Poytug‘ temiryo‘l stansiyasi boshlig‘i vazifasini bajaruvchi E.A. fermer xo‘jaligi rahbari va uning akasiga Izboskan tumani temiryo‘l stansiyasi tasarrufidagi yer maydonlari hisobidan jami 0,20 gektar yerni yuqori lavozimlarda ishlovchi tanishi orqali ajratib berishi va kelgusida kadastr hujjatlarini rasmiylashtirib berishni va’da qilgani aniqlangan. Buning evaziga 8 ming dollarni firibgarlik yo‘li bilan olgan vaqtida ashyoviy dalillar bilan qo‘lga olingan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Jizzaxda yer maydonini uch kishiga sotmoqchi bo‘lib, jami 185 mln so‘m olgan shaxs ushlandi
- Toshkent viloyatida ijaraga berilgan yerni 53 ming dollarga sotmoqchi bo‘lgan fermer ushlandi (video)
- Qashqadaryoda eski zavod yerini 100 ming dollarga sotishga uringan shaxs va soliq qarzdorligini “yopib berishi”ni aytgan soliqchi pora bilan qo‘lga olindi
Izoh (0)