Toshkent shahridagi Uzcard kompaniyasining bosh ofisida 30-mart kuni aholini yangi xizmat bilan tanishtirishga bag‘ishlangan matbuot anjumani bo‘lib o‘tdi. Bu haqda “Daryo”ga kompaniya matbuot xizmati xabar qildi.
Qayd etilishicha, Uzcard NFC texnologiyasidan foydalangan holda kontaktsiz to‘lovni amalga oshiradigan tezkor kartalarni taqdim etadi. Mijoz bankga murojaat qilgan paytdan boshlab karta chiqarilib va faollashtirilgunga qadar shaxsiylashtirish jarayoni taxminan 5 daqiqa davom etadi.
Yangi turdagi mahalliy Uzcard, Uzcard-Unionpay, Uzcard-Mastercard va Uzcard-MIR kabi turli xil karta mahsulotlarini taqdim etish, shuningdek, kontaktsiz to‘lovlarni qabul qilish va NFC texnologiyasi bilan kartalardan boshqa operatsiyalarni amalga oshirish uchun terminal infratuzilmasini rivojlantiriladi. Ushbu kartalar yordamida jamoat transportida yo‘l haqi uchun to‘lovni kontaktga kirishmagan holda to‘lash mumkin bo‘ladi.
Izoh (0)