2022-yilning mart oyida iste’mol sektoridagi tovarlar va xizmatlar o‘rtacha 1,5 foizga qimmatlashdi. Bu haqda Davlat statistika qo‘mitasi xabar bermoqda.
Yillik o‘sishda iste’mol narxlari indeksining o‘sish darajasi 10,5 foizga yetdi.
2022-yilning mart oyida narxlar va tariflar o‘sishida yetakchi o‘rinlarni oziq-ovqat mahsulotlari egallab, oy davomida ularning narxlari o‘rtacha 2,5 foizga oshdi.
Shu davrda nooziq-ovqat tovarlari 1,1 foiz va aholiga pullik xizmatlar 0,4 foizga ko‘tarildi.
Iste’mol sektoridagi inflyatsiya yil boshidan beri ilk bor 1 foizdan oshdi. Ushbu sektorda mart oyidagi inflyatsiya 2020-yilning dekabridan beri eng baland ko‘rsatkichga yetdi. O‘shanda iste’mol sektoridagi tovar va xizmatlar avvalgi oyga nisbatan 2,4 foizga qimmatlashgan edi.
O‘tgan yilning aprelida ham ushbu sektordagi inflyatsiya 1,5 foizni tashkil qilgan edi.
Avvalroq O‘zbekistonda rasmiy inflyatsiya fevral oyida ham 1 foizdan oshmagani ma’lum qilingandi.
Izoh (0)