Pora olgan yoki berganmisiz? — “Daryo”da kichik so‘rovnoma

Urgutda ijara olingan 90 sotix yerni 60 ming dollarga sotishga uringan shaxs qo‘lga olindi. Qoraqalpog‘istonda fuqaroni temiryo‘lga ishga kiritish uchun ming dollar olgan texnikum direktori ushlandi. Ijtimoiy tarmoqlarda shu kabi xabarlarga ko‘zimiz tushadi. Pora ham qonunan, ham shar’an taqiqlanishiga qaramay, umrimizda bir marta bo‘lsa ham pora olgan yoki bergan bo‘lishimiz mumkin. “Daryo” bu borada aholi fikri bilan qiziqdi.

So‘rovnomada ishtirok etgan ayolning aytishicha, hech qachon bunday korrupsiyali vaziyatlarga duch kelmagan.

“Pora olmagan va bermaganman. Lekin ishimga salbiy ta’sir qilgan. Men o‘zim talabaman, hali pora oladigan darajaga yetmadim”, — deydi talaba yigit.

Yo‘lovchi yigitning so‘zlariga ko‘ra, pora so‘rashmagan, ishini bitirib berishgani uchun chin ko‘ngildan o‘zi hadya qilgan.

“Korrupsiyaga qisman uchraganman, buni inkor qilib bo‘lmaydi. Masalan, bog‘chada bir shunday vaziyat bo‘lgan. Lekin to‘g‘ri yo‘l bilan hal qilganmiz”, — deydi rassom.