Тошкент шаҳридаги Uzcard компаниясининг бош офисида 30 март куни аҳолини янги хизмат билан таништиришга бағишланган матбуот анжумани бўлиб ўтди. Бу ҳақда «Дарё»га компания матбуот хизмати хабар қилди.
Қайд этилишича, Uzcard NFC технологиясидан фойдаланган ҳолда контактсиз тўловни амалга оширадиган тезкор карталарни тақдим этади. Мижоз банкга мурожаат қилган пайтдан бошлаб карта чиқарилиб ва фаоллаштирилгунга қадар шахсийлаштириш жараёни тахминан 5 дақиқа давом этади.
Янги турдаги маҳаллий Uzcard, Uzcard-Unionpay, Uzcard-Mastercard ва Uzcard-МИР каби турли хил карта маҳсулотларини тақдим этиш, шунингдек, контактсиз тўловларни қабул қилиш ва NFC технологияси билан карталардан бошқа операцияларни амалга ошириш учун терминал инфратузилмасини ривожлантирилади. Ушбу карталар ёрдамида жамоат транспортида йўл ҳақи учун тўловни контактга киришмаган ҳолда тўлаш мумкин бўлади.
Изоҳ (0)