Manchester klublari yetakchi, London jamoalari ulardan keyin. APL klublari so‘nggi bir yilda agentlarga qancha pul to‘lagani ma’lum bo‘ldi

“Manchester Siti” so‘nggi ikki transfer oynasida agentlarga to‘lov qilish bo‘yicha APLda peshqadamlik qilmoqda.

“Shaharliklar” 2021-yil 2-fevraldan to 2022-yil 31-yanvarga qadar vositachilarga 35 million funtdan ortiq mablag‘ sarflagan.

Ro‘yxatda “Manchester Yunayted” 29 million funt bilan 2-o‘rin, “Chelsi” 28,2 million funt bilan 3-o‘rinni egallab turibdi. “Liverpul” (13,9 million) va “Arsenal” (18,7 million) kuchli beshlikni yakunlab bergan.

Top-10 likdan “Tottenhem” (13,9 million), “Uotford” (12,6 million), “Lester” (12,1 million), “Vulverhempton” (12 million) va “Everton” (11,5 million) jamoalari joy olgan.

APL klublarining yozgi va qishki transfer oynalarida agentlarga to‘lagan pullari umumiy hisobda 272,56 million funtni tashkil qilgan.