Keyingi mavsumdan boshlab APL klublariga bir o‘yinda 5 ta futbolchi almashtirishga ruxsat beriladi. Bu haqida APL matbuot xizmati ma’lum qildi.
Premyer Liga jamoalari 2022/23-yilgi mavsumdan boshlab 5 ta futbolchi almashtirish qoidasini qaytarishga kelishib oldi. Endi o‘yin davomida va tanaffusda 3 marta futbolchilarni almashtirish mumkin bo‘ladi.
Shuningdek, klublar yozgi transfer oynasi muddatini aniqlashtirib oldi. Unga ko‘ra, transfer bozori 10-iyunda ochiladi va 1-sentabr kuni yopiladi.
Bundan tashqari, APLda koronavirusga test topshirish qoidalariga ham o‘zgartirish kiritiladi. 4-apreldan boshlab futbolchi va xodimlarning haftasiga ikki marta topshiradigan testlari bekor bo‘ladi va faqat simptomatik testlarga o‘tiladi.
Premyer Ligada 5 futbolchi almashtirish qoidasi 2020-yil may oyida yo‘lga qo‘yilgan edi. Ammo bir mavsumdan so‘ng bekor qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)