“Liverpul” va “Manchester Yunayted” Bangkokda o‘rtoqlik uchrashuvi o‘tkazadi. Bu haqida mersisaydliklar rasmiy sayti ma’lum qildi.
Ushbu o‘yin 12-iyul kuni Tailand poytaxtidagi “Rajamangala” stadionida bo‘lib o‘tadi. Klublar o‘sha yerdagi ijtimoiy va madaniy loyihalarda ham faol ishtirok etishi ko‘zda tutilgan.
“Liverpul” bilan o‘yindan tashqari mankunianliklar yozgi tur doirasida Avstraliyada yana ikkita o‘yin o‘tkazadi. 15-iyul kuni Melburnda mahalliy “Melburn Viktori” jamoasi bilan, 19-iyul kuni esa o‘sha shaharda “Kristal Pelas” bilan to‘qnash keladi.
Yurgen Klopp shogirdlari ushbu mavsum APLda 69 ochko bilan 2-o‘rinda bormoqda, “qizil iblislar” esa 50 ochko bilan 6-pog‘onadan joy olgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)