Argentina terma jamoasi va “PSJ” klubi hujumchisi Lionel Messi Socios blokcheyn platformasi bilan shartnoma imzoladi.
Dastlabki bitim 3 yilga mo‘ljallangan. Argentinalik futbolchi brendning rasmiy elchisiga aylandi. Socios Lionel bilan bir qator tokenlar seriyasini chiqarish ehtimoli ham bor.
Ushbu hamkorlik Messiga 20 million dollardan ko‘proq daromad keltirishi kutilmoqda.
Socios — Chillz kriptovalyuta startapi yaratuvchilari tomonidan yo‘lga qo‘yilgan saydcheyn-platforma. Unga hamkor bo‘lgan kompaniya o‘zining tokenini yaratishi mumkin. Ushbu kompaniya ko‘plab mashhur futbol klublari bilan hamkorlik qiladi. “PSJ”, “Barselona”, “Yuventus” va “Inter” jamoalari shular jumlasidan.
34 yoshli futbolchi 2021/22-yilgi mavsum parijliklar safida barcha musobaqalarda 26 o‘yinda maydonga tushib, 7 ta gol va 11 ta golli uzatmani o‘z hisobiga yozdirib qo‘ydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)