Rossiyaning Sankt-Peterburg shahriga ishlash maqsadida borib, qiyin ahvolda qolgan O‘zbekiston fuqarolari vatanga qaytarildi. Bu haqda Tashqi mehnat migratsiyasi agentligi xabar berdi.
Ma’lum qilinishicha, ushbu fuqarolar 2022-yilning 5-yanvar kuni Sankt-Peterburgga shartnoma asosida ishlash uchun kelgan. Ish beruvchi tomonidan esa shartnoma shartlari buzgan.
Tashqi mehnat migratsiyasi agentligining Sankt-Peterburg shahridagi vakolatxonasi O‘zbekistonning Bosh konsulxonasi bilan hamkorlikda ushbu shaharda vaqtinchalik mehnat faoliyatini amalga oshirish davomida qiyin ahvolda qolgan 9 nafar o‘zbekistonlikni vatanga qaytardi. Agentlik va konsullik fuqarolarning O‘zbekistonga qaytishi uchun aviachiptalarni olib bergan.
Avvalroq ishlash uchun Rossiyaga borib, ko‘p qavatli binodan yiqilib tushgan O‘zbekiston fuqarosi vatanga qaytarilgandi.
Izoh (0)