Shavkat Mirziyoyev 31-mart kuni o‘tkazilgan videoselektor yig‘ilishida iqtisodiy kompleks rahbarlariga makroiqtisodiy barqarorlikni saqlab qolish bo‘yicha ta’sirchan choralarni davom ettirishga ko‘rsatma berdi. Bu haqda prezident matbuot kotibi xabar qildi.
Qayd etilishicha, buning uchun hudud va tarmoq xarajatlarini 10 trillion so‘mga qisqartirish talab etiladi. Prezident yil yakuniga qadar barcha hokimlik, vazirlik va idoralarga:
- moliyaviy manbasi aniq bo‘lmagan qurilishlarni boshlash;
- bino ta’mirlash, avtomobil, mebel, ofis anjomlari xarid qilish kabi qo‘shimcha xarajatlarni amalga oshirishni qat’iyan taqiqlagan.
"Bu – mablag‘lar olib qo‘yiladi, degani emas. Barcha iqtisod qilingan mablag‘lar ushbu hudud va tarmoqning rivojlantirish dasturiga yo‘naltiriladi", — degan Shavkat Mirziyoyev.
Mavzuga doir:
- O‘zbekistonda yil yakuniga qadar Rossiya, Ukraina va Belarus bilan ishlayotgan korxonalarga debitor qarzdorlik uchun jarima qo‘llanilmaydi
- O‘zbekistonda shakar, un, yog‘, go‘sht kabi mahsulotlar uchun aksiz solig‘i va bojxona to‘lovlari pasaytirilishi mumkin
- “Hokim va prokurorlar qayoqqa qaragan?”. Shavkat Mirziyoyev bozorlarda shakar narxi oshib ketgani haqida gapirdi
Izoh (0)