Xalq ta’limi vazirligining 2022-yil 28-fevraldagi 70-sonli buyrug‘iga asosan 2021/2022-o‘quv yilida umumta’lim maktablarining bitiruvchilaridan olinadigan yakuniy imtihon fanlari tasdiqlandi. Bu haqda vazirlik matbuot xizmati xabar berdi.
Xususan:
- 9-sinf bitiruvchilari uchun — ona tili va adabiyot, o‘zbek tili/rus tili, matematika, tarix, jismoniy tarbiya va qo‘shimcha ravishda o‘quvchilarning tanlovi asosida belgilangan fan bo‘yicha;
- 11-sinf bitiruvchilari uchun — ona tili va adabiyot, matematika, chet tili, tarix va va qo‘shimcha ravishda o‘quvchilarning tanlovi asosida belgilangan fan bo‘yicha yakuniy davlat attestatsiyasi o‘tkazilishi belgilangan.
Eslatib o‘tamiz, 2020-yili karantin vaqtida aholiga imkon boricha qo‘shimcha qulaylik yaratish bo‘yicha belgilangan vazifalarni amalga oshirish hamda ko‘pchilik ota-onalarning iltimoslarini inobatga olinib, maktablardagi yakuniy imtihonlar bekor qilingandi. 2021-yilda esa 26-maydan 15-iyunga qadar 9 va 11-sinf bitiruvchilari uchun yakuniy davlat imtihonlari og‘zaki, yozma hamda test sinovlari shaklida o‘tkazilgan.
Izoh (0)