Uzbekistan Airways Samarqand xalqaro aeroporti orqali uchib kelayotgan va uchib ketayotgan yo‘lovchilarga murojaat bilan chiqdi.
Qayd etilishicha, 1-apreldan boshlab Samarqand aeroportiga va aeroportdan oshiriladigan barcha aviaqatnovlar yangi terminalda amalga oshiriladi.
Eslatib o‘tamiz, 18-mart kuni Samarqand shahrida 170 million dollar mablag‘ sarflanib, qayta ta’mirlangan xalqaro aeroport foydalanishga topshirildi. 2,5 yil muddatda qayta ta’mirlangan mazkur inshoot Turkiya kompaniyasi tomonidan loyihalashtirilgan bo‘lib, ochiq kitob qiyofasini aks ettirgan.
Fevral oyida Samarqand shahriga tashrif buyurgan Shavkat Mirziyoyev xalqaro aeroportda yaratilayotgan sharoitlarni ko‘zdan kechirgandi. Aeroport qariyb 83 million dollarlik loyiha evaziga yangidan qurilgan. 2021-yili uchish-qo‘nish yo‘lagi qayta qurilgan. Bino Mirzo Ulug‘bekning “Ziji jadidi Ko‘ragoniy” kitobi shaklida barpo etilgan. Terminalning eni 175, balandligi 25 metr. Terminal bir yilda 2,5 million, bir soatda 800 nafar yo‘lovchiga xizmat ko‘rsatish quvvatiga ega bo‘ladi.
Mavzuga doir: “Loyiha umumiy hisobda 150 mln dollarga tushdi” — Ra’no Jo‘rayeva Samarqand aeroporti haqida
Izoh (0)