Халқ таълими вазирлигининг 2022 йил 28 февралдаги 70-сонли буйруғига асосан 2021/2022-ўқув йилида умумтаълим мактабларининг битирувчиларидан олинадиган якуний имтиҳон фанлари тасдиқланди. Бу ҳақда вазирлик матбуот хизмати хабар берди.
Хусусан:
- 9-синф битирувчилари учун — она тили ва адабиёт, ўзбек тили/рус тили, математика, тарих, жисмоний тарбия ва қўшимча равишда ўқувчиларнинг танлови асосида белгиланган фан бўйича;
- 11-синф битирувчилари учун — она тили ва адабиёт, математика, чет тили, тарих ва ва қўшимча равишда ўқувчиларнинг танлови асосида белгиланган фан бўйича якуний давлат аттестацияси ўтказилиши белгиланган.
Эслатиб ўтамиз, 2020 йили карантин вақтида аҳолига имкон борича қўшимча қулайлик яратиш бўйича белгиланган вазифаларни амалга ошириш ҳамда кўпчилик ота-оналарнинг илтимосларини инобатга олиниб, мактаблардаги якуний имтиҳонлар бекор қилинганди. 2021 йилда эса 26 майдан 15 июнга қадар 9 ва 11-синф битирувчилари учун якуний давлат имтиҳонлари оғзаки, ёзма ҳамда тест синовлари шаклида ўтказилган.
Изоҳ (0)