Samarqand davlat universitetiga qarashli talabalar yotoqxonasida 29-mart kuni soat 02:00 larda talaba qiz o‘zini 9-qavatdan tashlab, vafot etgani haqida xabar berilgandi. Samarqand shahar prokuraturasi holat bo‘yicha “Daryo”ga qo‘shimcha ma’lumot berdi.
Qayd etilishicha, o‘z joniga qasd qilgan S.E. turmush qurmagan bo‘lgan. Shuningdek, universitet mas’ulining ma’lumotiga ko‘ra, o‘qishdagi o‘qituvchi yoki kursdoshlari bilan nizoli holatlari, biror muammosi bo‘lmagan. Marhumaning xonadoshlari oxirgi vaqtlarda uning kayfiyati bo‘lmaganini ma’lum qilgan.
Holat yuzasidan tergov bo‘limi tomonidan to‘plangan hujjatlar tegishliligi bo‘yicha shahar prokuraturasiga yuborilgan. Hozirda tergovga qadar tekshiruv harakatlari davom ettirilmoqda.
Eslatib o‘tamiz, 2021-yilning dekabrida Qashqadaryoda texnikum talabasi yotoqxonaning 5-qavatidan tushib ketib, vafot etgandi. Keyinroq “Daryo” muxbiri voqea tafsilotlarini o‘rganish maqsadida texnikum yotoqxonasi va o‘quv binosida bo‘lib, marhumani tanigan-bilganlarni suhbatga tortgan edi.
Izoh (0)