Shavkat Mirziyoyev va Turkiya prezidenti Rajab Toyyib Erdo‘g‘on 30-mart kuni Xivadagi Ichan qal’aga tashrif buyurdi. Bu haqda Prezident matbuot xizmati xabar qildi.
Qayd etilishicha, ikki yetakchining ham tarixga qiziqishi baland. O‘zbekiston rahbari Turkiyaga tashrifi chog‘ida Istanbuldagi Topkapi saroyini borib ko‘rgan. Erdo‘g‘on ilgari O‘zbekistonga kelganida Buxoroni ziyorat qilgan.
Mehmonlar Ichan qal’adagi Ota darvoza, Ko‘k minora, Ko‘hna ark saroyi va madrasalar, hunarmandlik rastalarini ko‘zdan kechirgan. Pahlavon Mahmud maqbarasi, Juma masjidi ziyorat qilingan. Davlat rahbarlari hunarmandlar, sayyohlar bilan suhbatlashgan.
“Xivaning davlatchilik va ilm-fan rivojida tutgan o‘rni, qadimiy obidalari va san’ati turkiyalik mehmonlarda katta taassurot qoldirdi”, — deyiladi xabarda.
Eslatib o‘tamiz, Shavkat Mirziyoyevning taklifiga binoan Turkiya prezidenti Rajab Toyyib Erdo‘g‘on 29—30-mart kunlari rasmiy tashrif bilan O‘zbekistonda bo‘lishi xabar qilingandi. 29-mart kuni Ko‘ksaroy qarorgohida Erdo‘g‘onni rasmiy kutib olish marosimi bo‘lib o‘tdi.
Mavzuga doir:
Keyinroq ikki mamlakat yetakchilari Xorazmga yetib kelgani xabar qilindi. Urganch xalqaro aeroportida Turkiya prezidenti tantanali kutib olindi.
Izoh (0)