Uzbekistan Airways Самарқанд халқаро аэропорти орқали учиб келаётган ва учиб кетаётган йўловчиларга мурожаат билан чиқди.
Қайд этилишича, 1 апрелдан бошлаб Самарқанд аэропортига ва аэропортдан ошириладиган барча авиақатновлар янги терминалда амалга оширилади.
Эслатиб ўтамиз, 18 март куни Самарқанд шаҳрида 170 миллион доллар маблағ сарфланиб, қайта таъмирланган халқаро аэропорт фойдаланишга топширилди. 2,5 йил муддатда қайта таъмирланган мазкур иншоот Туркия компанияси томонидан лойиҳалаштирилган бўлиб, очиқ китоб қиёфасини акс эттирган.
Февраль ойида Самарқанд шаҳрига ташриф буюрган Шавкат Мирзиёев халқаро аэропортда яратилаётган шароитларни кўздан кечирганди. Аэропорт қарийб 83 миллион долларлик лойиҳа эвазига янгидан қурилган. 2021 йили учиш-қўниш йўлаги қайта қурилган. Бино Мирзо Улуғбекнинг «Зижи жадиди Кўрагоний» китоби шаклида барпо этилган. Терминалнинг эни 175, баландлиги 25 метр. Терминал бир йилда 2,5 миллион, бир соатда 800 нафар йўловчига хизмат кўрсатиш қувватига эга бўлади.
Мавзуга доир: «Лойиҳа умумий ҳисобда 150 млн долларга тушди» — Раъно Жўраева Самарқанд аэропорти ҳақида
Изоҳ (0)