Qoraqalpog‘istonning Qorao‘zak tumanida 29-mart kuni navbatdagi “Ayimbet Axun” jome masjid ro‘yxatdan o‘tkazildi. Bu haqda Adliya vazirligi xabar qildi.
Qayd etilishicha, Qoraqalpog‘iston Respublikasi Adliya vazirligi tomonidan 29-martda Qorao‘zak tumani “Qorao‘zak” ovuli Mirzagaliy Daribayev ko‘chasi raqamsiz uyda joylashgan “Ayimbet Axun” jome masjidi 70-son bilan ro‘yxatdan o‘tkazilgan. Ushbu masjid 200 nafar namozxonga mo‘ljallangan. Masjidning ochilish marosimi joriy yilning 1-apreliga rejalashtirilgan.
Hozirda Qoraqalpog'istonda jami 65 ta diniy tashkilot ro‘yxatga olingan. Shularning 62 tasi jome masjidi, 2 tasi noislomiy diniy tashkilot va 1 tasi Qoraqalpog'iston Respublikasi Musulmonlar Qoziyati hisoblanadi.
Eslatib o‘tamiz, 2021-yilning dekabr oyida Qoraqalpog‘istonning Chimboy tumanida “Yusuf ota” jome masjidi o‘z faoliyatini boshlagandi. Bu orqali O‘zbekistondagi masjidlar soni 2101 taga yetgandi.
Izoh (0)