Farg‘ona viloyatida 603 million so‘mlik uyali aloqa vositalarini noqonuniy olib kirilishiga chek qo‘yildi, deb xabar bermoqda Davlat bojxona qo‘mitasi.
Qayd etilishicha, Farg‘ona viloyati bojxona boshqarmasi Kontrabandaga qarshi kurashish va bojxona auditi bo‘limi xodimlari DXX xodimlari bilan hamkorlikda tezkor tadbir o‘tkazgan. Tadbir davomida fuqaro E.D. boshqaruvidagi Cobalt avtotransport vositasi to‘xtatilib, ushbu mashinada yo‘lovchi sifatida ketayotgan fuqaro A.N.ga tegishli bo‘lgan qo‘l yuklari belgilangan tartibda xolislar ishtirokida ko‘zdan kechirilgan.
Natijada yuklar orasida xorijda ishlab chiqarilgan va bojxona rasmiylashtiruvidan o‘tganini tasdiqlovchi hujjatlari bo‘lmagan, umumiy qiymati 603 million so‘mlik jami 43 dona uyali aloqa vositalari borligi aniqlangan.
Holat yuzasidan bojxona organlari tomonidan tergovga qadar tekshiruv harakatlari olib borilmoqda.
Mavzuga doir:
Izoh (0)