Фарғона вилоятида 603 миллион сўмлик уяли алоқа воситаларини ноқонуний олиб кирилишига чек қўйилди, деб хабар бермоқда Давлат божхона қўмитаси.
Қайд этилишича, Фарғона вилояти божхона бошқармаси Контрабандага қарши курашиш ва божхона аудити бўлими ходимлари ДХХ ходимлари билан ҳамкорликда тезкор тадбир ўтказган. Тадбир давомида фуқаро Э.Д. бошқарувидаги Cobalt автотранспорт воситаси тўхтатилиб, ушбу машинада йўловчи сифатида кетаётган фуқаро А.Н.га тегишли бўлган қўл юклари белгиланган тартибда холислар иштирокида кўздан кечирилган.
Натижада юклар орасида хорижда ишлаб чиқарилган ва божхона расмийлаштирувидан ўтганини тасдиқловчи ҳужжатлари бўлмаган, умумий қиймати 603 миллион сўмлик жами 43 дона уяли алоқа воситалари борлиги аниқланган.
Ҳолат юзасидан божхона органлари томонидан терговга қадар текширув ҳаракатлари олиб борилмоқда.
Изоҳ (0)