O‘zbekiston va Turkiya o‘zaro savdo aylanmasini yaqin kelajakda 5 mlrd dollarga, keyinchalik esa 10 mlrd dollarga yetkazishni rejalashtirmoqda. Bu haqda Turkiya prezidenti Rajab Toyyib Erdo‘g‘on O‘zbekistonga tashrifi chog‘ida ma’lum qildi.
O‘zbekiston ko‘plab mamlakatlar bilan savdo sherikchiligini olib boradi, ammo Turkiya bilan aloqalar boshqacha.
2021-yilda Turkiya bilan savdo aylanmasi 3,4 mlrd dollarni tashkil qildi. Bu Rossiya, Xitoy va Qozog‘istondan keyin to‘rtinchi ko‘rsatkichdir.
Vaholanki, O‘zbekiston mazkur mamlakatlarga mahsulot sotishdan ko‘ra, ulardan ko‘proq sotib oladi. Eksport va import o‘rtasidagi farq 100 foiz yoki undan ko‘proqqa yetadi:
O‘zbekiston so‘nggi 5 yil ichida sotishdan ko‘ra ko‘proq xarid qilmoqda. Bu mamlakat jadal rivojlanishini bildiradi.
Shu sababli, masalan, asosiy savdo sheriklar ro‘yxatida Turkiyadan keyingi o‘rinda turadigan Janubiy Koreya bilan kechadigan savdo aloqalari deyarli to‘liq importdan iborat:
Biroq Turkiya bilan hammasi boshqacha, chunki bu davlat bilan deyarli mukammal muvozanat yuzaga kelgan. Masalan, 2021-yilda eksport hajmi ham, import hajmi ham 1,7 mlrd dollarni tashkil qilgan:
O‘zbekistonda bunday nisbat faqat Turkiya bilan. Qolganlari bilan yoki importga (masalan, Rossiya) yoki eksportga (masalan, Afg‘oniston) kuchli notenglik mavjud.
Avvalroq turkiyalik tadbirkorlar O‘zbekistonda korxona ochishda yetakchilik qilishda davom etayotgani haqida xabar berilgan edi.
Izoh (0)