“Manchester Yunayted” yarim himoyachisi Tait Chongning uyiga o‘g‘ri tushgani ma’lum bo‘ldi, deya xabar qilmoqda The Sun.
Uch nafar niqobli shaxs soat tungi uchlar atrofida futbolchining uyiga kirgan. Jinoyatchilar uxlab yotgan Chongning tomog‘iga pichoq tiragan va undan taqinchoqlar, soat va boshqa qimmatbaho buyumlarni talab qilgan.
O‘g‘rilik davomida jinoyatchilar uydagi zaif xavfsizlik tizimi tufayli Chongning ustidan kulgan. Futbolchi holatdan hayajon va qo‘rquvga tushgan.
Jinoyat 16-yanvarda sodir bo‘lgan, biroq voqea haqida endi ma’lum qilingan.
Tait ayni vaqtda “Birmingem”da ijara asosida to‘p surmoqda. Ammo voqea sodir bo‘lgan vaqtda u “Manchester Yunayted” tasarrufida jarohatini tiklayotgandi.
Avvalroq “Manchester Yunayted”ning yana bir yarim himoyachisi Pol Pogbaning uyi to‘nab ketilgani va jinoyat vaqtida futbolchi hamda uning ayoli “Old Trafford”da bo‘lgani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)