Toshkent shahar Yashnobod tumanidagi ikki qavatli xonadon kimoshdi savdosida sotildi. Lot ma’lumotlari “E-auksion” portalida e’lon qilingan.
Lot auksionga harbiy sud hukmi bilan Yunusobod tumani MIB tomonidan joylashtirilgan. Ko‘p qavatli uyning 6- va 7-qavatida joylashgan xonadan 2009-yilda qurilgan va 5 xonadan iborat.
Xonadonning umumiy maydoni 343 kvadrat metr, foydali maydon esa 195 kvadrat metr. Xonadonda gaz, suv, elektr ta’minoti va kanalizatsiya tizimi mavjud.
Auksionga qo‘yilgan lotning boshlang‘ich bahosi 3,8 mlrd so‘m edi, biroq auksion natijasi bo‘yicha 2,5 mlrd so‘mga sotildi.
Lot izohida yozilishicha, xonadon barcha jihozlari bilan sotilgan.
Avvalroq Toshkentda MIB tomonidan auksionga qo‘yilgan hovli boshlang‘ich bahosidan ikki barobar arzonga sotilgani haqida xabar qilingan edi.
Izoh (0)