Тошкент шаҳар Яшнобод туманидаги икки қаватли хонадон кимошди савдосида сотилди. Лот маълумотлари «E-auksion» порталида эълон қилинган.
Лот аукционга ҳарбий суд ҳукми билан Юнусобод тумани МИБ томонидан жойлаштирилган. Кўп қаватли уйнинг 6- ва 7-қаватида жойлашган хонадан 2009 йилда қурилган ва 5 хонадан иборат.
Хонадоннинг умумий майдони 343 квадрат метр, фойдали майдон эса 195 квадрат метр. Хонадонда газ, сув, электр таъминоти ва канализация тизими мавжуд.
Аукционга қўйилган лотнинг бошланғич баҳоси 3,8 млрд сўм эди, бироқ аукцион натижаси бўйича 2,5 млрд сўмга сотилди.
Лот изоҳида ёзилишича, хонадон барча жиҳозлари билан сотилган.
Аввалроқ Тошкентда МИБ томонидан аукционга қўйилган ҳовли бошланғич баҳосидан икки баробар арзонга сотилгани ҳақида хабар қилинган эди.
Изоҳ (0)