Uels terma jamoasi hujumchisi Garet Beyl JCh—2022 o‘tish o‘yinlari yarim finali doirasida Avstriyaga qarshi kechgan o‘yindagi g‘alabadan (2:1) so‘ng o‘z fikrlari bilan o‘rtoqlashdi. “Real” futbolchisi ushbu o‘yinda dubl qayd etdi.
“To‘g‘risini aytsam, hech kimga javob berishga majbur emasman. Vaqtimni behuda sarflab, kimgadir ogohlantirish yuborishning hojati yo‘q. Shu vaqtga qadar menga nisbatan bo‘lgan tanqidlar yoqimsiz bo‘ldi, ular o‘zlaridan uyalishi kerak. Meni bu narsalar xavotirga solmaydi — nuqta.
Agar o‘ynash imkoniyati berilsa, jarima zarbasidan ham gol ura olaman. To‘pning darvoza tomon uchayotganini ko‘rish yoqimli bo‘ldi. Birinchi gol bizga kuch berdi. Ikkinchisi ham ajoyib bo‘ldi.
O‘yin oxirida talvasaga tushib qoldim, bu normal holat. Biroq vatanim uchun tog‘ni talqon qilishga ham tayyorman va bugun barchamiz shunday munosabatda o‘ynadik”, — deydi “Real” yarim himoyachisi.
Uels o‘tish o‘yinlari finalida mundial yo‘llanmasi uchun Shotlandiya — Ukraina bahsi g‘olibi bilan to‘qnash keladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)